இலங்கையில் பிறை காண வேண்டும், இன்றைய தீர்மானம் நிறைவானது- ரிஸ்வி முப்தி


download (1)

நாட்டிலுள்ள 35 இடங்களில் குழுக்களை நியமித்து பிறையைத் தேடிவிட்டு, சுமார் ஒன்றரை மணி நேரம் பிறைக்குழுவைச் சேர்ந்த முக்கிய உலமாக்கள் பலரும் ஆராய்ந்ததன் பின்னர் நாளை நோன்பு இல்லை என்ற தீர்மானம் பெறப்பட்டுள்ளதாக அகில இலங்கை ஜம்இய்யத்துல் உலமா சபையின் தலைவர் அஷ்ஷெய்க் ரிஸ்வி முப்தி தெரிவித்தார்.

இன்று (16) மாலை கொழும்பு பெரிய பள்ளிவாயலில் கூடிய ரமழான் தலைப்பிறையைத் தீர்மானிக்கும் மாநாட்டிலிருந்து உரையாற்றுகையிலேயே அவர் இதனைக் கூறினார்.

உலகின் பல நாடுகளில் இன்று (16) ரமழான் தலைப்பிறை தென்பட்டுள்ளதாக செய்திகள் வெளியாகியுள்ளன. இருப்பினும், எமது நாட்டில் பிறை தென்பட்டதற்கான எந்த தகவலும் கிடைக்கப் பெறவில்லை. நாட்டைச் சூழ்ந்துள்ள மழை முகில்கள் காரணமாக பிறை தென்படாதிருந்திருக்கலாம்.

நாம் ஒரு நாள் தாமதிப்பதனால் எந்தவித குறைபாடுகளும் வரப்போவதில்லை. எமது நாட்டின் பிறையே எமக்கான தீர்மானிக்கும் காரணி என்பதனால், சாட்சிகளை அடிப்படையாக வைத்து, பிறை தொடர்பான நிபுணர்கள் பலரும் கூடி ஷஃபானை 30 ஆக முழுமைப்படுத்துவதாக தீர்மானித்தோம்.

மேகம் மூடி பிறை தென்பட வில்லையாயின் பிறையை 30 ஆக முழுமைப்படுத்துங்கள் என நபி (ஸல்) அவர்கள் குறிப்பிட்டுள்ளதற்கேற்ப இந்த தீர்மானம் எடுக்கப்பட்டுள்ளதாகவும் அவர் மேலும் கூறினார்.  (மு)

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>