கொட்டகலை ஆலயம் உடைப்பு – அம்மன் தாலி திருட்டு


Screen Shot 2019-02-14 at 10.58.05 AM

திம்புள்ள பத்தனை பொலிஸ் பிரிவிற்குட்பட்ட மேபீல்ட் தோட்ட சாமஸ் பிரிவின் ஸ்ரீ முத்துமாரியம்மன் ஆலயத்தில் பிரதான நுழைவாயில் உடைக்கப்பட்டு உள்ளே நுழைந்த இனந்தெரியாதவர்கள் அவ்வாலயத்தின் இரண்டு இலட்சம் ரூபா பெறுமதியான அம்மனுக்கு அணிவிக்கப்பட்டிருந்த தாலியை களவாடிச் சென்றுள்ளனர்.

இன்று அதிகாலை இச்சம்பவம் இடம்பெற்றிருக்கலாம் என விசாரணைகளை மேற்கொள்ளும் திம்புள்ள பத்தனை பொலிஸார் தெரிவித்தனர்.

இச்சம்பவம் தொடர்பாக மேலும் தெரியவருவதாவது;
கடந்த 20-04-2018 அன்று இவ்வாலயத்தின் கும்பாபிஷேகம் நடைபெற்றுள்ளது. இதன்போது அம்மனுக்குத் தங்க தாலி அணிவிக்கப்பட்டுள்ளது. இந்த நிலையில் இன்று அதிகாலை இந்த திருட்டு சம்பவம் இடம்பெற்றுள்ளது.

இதனைத் தொடர்ந்து திம்புள்ள பத்தனை பொலிஸாருக்கு புகார் செய்யப்பட்டதையடுத்து பத்தனை பொலிஸாரும், நுவரெலியா பொலிஸ் குற்ற தடுப்பு பிரிவினரும், கைரேகை பிரிவினரும் ஆலய கட்டிடத்திற்கு சென்று சோதனை நடவடிக்கையை மேற்கொண்டனர்.

சம்பவம் தொடர்பில் இதுவரை யாரும் கைது செய்யப்படவில்லை எனவும், பொலிஸார் தெரிவித்தனர். மேலதிக விசாரணைகளை திம்புள்ள பத்தனை பொலிஸார் மேற்கொண்டு வருகின்றனர். (ஸ)

Screen Shot 2019-02-14 at 10.58.05 AM Screen Shot 2019-02-14 at 10.48.46 AM Screen Shot 2019-02-14 at 10.58.00 AM

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>